Veriu mbetet larg shqiptarëve. Si deklarata boshe të përfaqësuesve tw tyre institucionalë po shihen thirrjet që shqiptarët në veri të mos i shesin pronat e tyre, të cilat tash e 17 vjet nuk po munden t’i shfrytëzojnë.
Qeveritë e deritashme me gjithë premtimet e shumta nuk kanë ndihmuar procesin e kthimit të shqiptarëve të dëbuar, shkruan Koha Ditore.
Shqiptarët që jetojnë në veri të Mitrovicës po ballafaqohen me pengesa të vazhdueshme nga serbët lokalë, rreth rindërtimit të shtëpive të tyre.
Madje ka pasur edhe arrestime të tyre. Paralajmërimi i kryetarit të Kuvendit, Kadri Veseli, për rindërtimin e shtëpive të rrënuara, është vetëm një nga premtimet e radhës të politikanëve nga Prishtina.
Edhe pse Qeveria nuk u ka dalë në ndihmë, Veseli që është pjesë e koalicionit ka kërkuar nga qytetarët të mos i braktisin shtëpitë dhe pronat e tyre. (b.an)
