Nga ky rol kemi krijuar përshtypjen se kemi të bëjmë me një vajzë melankolike, të mbyllur dhe që qan gjithmonë e për gjithçka. Por jo, modelja dhe aktorja e famshme indiane, jashtë televizionit është shumë e hareshme, dhe e guximshme në lidhje me meshkujt. Është vetëm 26 vjeç, dhe deri tani numëron dy martesa e një histori të fortë pasioni me një aktor, me të cilin ka realizuar dhe skena erotike në një serial. Ja disa sekrete të bukura nga jeta e aktores.
Dasma madhështore me Ali Merchant, dhe divorci pas dy muajsh
Pesë vite më parë Sara Khan u martua gjatë një ceremonie madhështore në shtëpinë e “Big Boss”, martesë që përfundoi me divorc pas dy muajsh. Pas një lidhjeje që zgjati tre vjet, Sara Khan lidhi kurorë me artistin, Ali Merchant në nëntor të vitit 2010. Modelja dhe aktorja televizive e kishte marrë famën, kur u njoh me Merchant. Kishte fituar një titull “Miss” në vendin e saj në vitin 2007. Ndërsa në vitin 2008, fitoi çmimin e parë “Talenti i ri” në kinema. Shumë çmime, dhe punën si aktore në 45 prodhime televizive, e bënë që ceremonia e saj martesore të përcillej gjerësisht në faqet e shtypit vendas dhe më tej.
Por të gjithë u çuditën kur ajo vendosi t’i jepte fund martesës pas dy muajsh, pa dhënë sqarime. Gjithsesi mediat shkruan se Ali pas martesës u bë problematik, duke i vënë kushte Sarës për jetën e saj, kushte që aktorja nuk i përballoi dot. Nga ana e tij, Merchant deklaroi në një “reality show” se publiciteti që i bëri martesës me Khan, ishte gabimi më i madh i jetës së tij.
Lidhja me aktorin Paras Chhabra dhe skenat erotike në një serial
Paras Chhabra ishte i dashuri i Sara, pas martesës që përfundoi me divorc. Lidhja e saj me aktorin dhe modelin indian, nuk u finalizua me martesë, por u komentua si më e nxehta nga historitë e jetës së saj. Aktorja e pafajshme dhe e brishtë i çuditi fansat, kur pranoi që me të dashurin e ri të xhironte disa skena erotike. Sjelljet intime të çiftit të dashuruar u komentuan si më të bukurat mes aktorëve të “Hollywood” , në serialin e titulluar “Mid Summer Midnight Mumbai”. Skenat e tyre të puthjeve në buzë, në të cilat Sara shfaqej e veshur me bikini të kuqe dhe buzë po të kuqe, ishin e vërteta e lidhjes pasionante që aktorja po përjetonte me të dashurin e saj të ri e shumë simpatik./Story.al
