Me siguri secila prej jush së paku një herë ka hasur në problemin e këpucëve të ngushta. Kjo ndodh zakonisht me këpucët e reja, të cilat duhet ende që të “shkelen”. Nëse bëhet fjalë për këpucë nga materialet e tjera, në vend të lëkurës, mos u zhgënjeni. Ekziston zgjidhja edhe për këtë problem.
Atë që duhet ta bëni lexojeni në vijim:
Merrni dy qese plastike, të cilat mund të mbyllen.
Një të katërtat e tyre i mbushni me ujë.
Vendosini në këpucë, e këpucët në pjesën për ngrirje të frigoriferit.
Kur të ngrihet uji, i nxirrni këpucët nga frigoriferi, e më pas e lini akullin që të shkrihet.
Nxirrini qeset dhe këpucët i thani me tharëse flokësh. Kjo mënyrë është e shkëlqyer për këpucë lëkure dhe mund t’i zgjerojë ato një numër të tërë. Mund të aplikohet edhe në lëkurë artificiale, por duhet ta dini se ajo e ka tendencën e kthimit, kështu që, sipas të gjitha gjasave, procedurën duhet ta përsëritni pas një kohe të caktuar.
