Ja kush janë 3 shqiptarët në majën e shkencës bërthamore të botës
Data 3 Qershor 2015 ka hyrë në histori si dita kur zyrtarisht filloi revolucioni i fizikës me goditjen rekord të grimcave me një energji prej 13 miliardë elektronvolt (13 TeV).
Për herë të parë, fizikantët e CERN-it ia kanë dalë të përplasin protonet e përshpejtuara me një rekord të energjisë prej 13 miliardë elektronvolt, thuajse dy herë më shumë se në vitin 2012, derisa mbledhja e të dhënave që tani ka nisur, do e revulocionarizojë fizikën, duke hedhur dritë mbi asimetrinë mes materies dhe antimateries.
Shqiptarët në CERN dhë në kozmologji
Në mesin e mbi 10 mijë shkencëtarëve që kontribuojnë në CERN janë edhe dy shqiptarë.
Shkodrani Dorian Kçira si dhe tiranasi Mario Kazazi janë në mesin e shkencëtarëve që bashkëpunojnë me CERN nga 608 universitete botërore. Kçira, që akutualisht jeton në Kaliforni, punon në qendrën kërkimorë më të famshme në Amerikë “California Institute of Technology” (Caltech), ndërsa Mario Kazazi që jeton në Gjenevë, është doktorant pranë CERN.
Ndërkohë, një tjetër emër i njohur në shkencën botërore është edhe astrofizikanja dhe kozmologja e vetme shqiptare Laura Mersini-Houghton. Aktualisht, Mersini është profesore e fizikës në Universitetin e Karolinës së Jugut në SHBA.
Në vitin 2014, Shqipëria ka nënshkruar një marrëveshje zyrtare bashkëpunimi me CERN, duke iu bashkuar kështu vendeve të shumta që i kontribuojnë shkencës botërore.
