Një punonjës policie dhe kunati i tij janë plagosur mbrëmjen e sotme në fshatin Grudë e Re në Shkodër.
Media ka siguruar foton e policit të plagosur, 30-vjeçarit Gjergj Ndërshtiqaj.
Gjithashtu i plagosur ka mbetur edhe kunati i Ndërshtiqajt, Gjin Nika 28-vjeç.
Rreth orës 19:30, në afërsi të një lokali në fshatin Grudë e Re, është qëlluar me armë zjarri shtetasi Gjin(Gjon) Nika, rreth 30 vjeç. Si pasojë e të shtënave është plagosur edhe kunati i tij, shtetasi Gjergj Ndërshtiqa, 28 vjeç, student në Akademinë e Sigurisë. Të dy këta shtetas janë transportuar në spital, për ndihmë mjekësore.
Në ndihmë të Policisë vendore janë nisur disa grupe të Forcës Kombëtare të Sigurisë dhe të RENEA-s, si dhe specialistë nga Departamenti i Policisë Kriminale në Policinë e Shtetit./m.j
