Protesta për taksën e Rrugës së Kombit u zhvendos në Tiranë pas transferimit të 23 të arrestuarve në Drejtorinë e Policisë së Tiranës.
Shkak i kësaj zhvendosje është bërë fakti se në Komisariatin e Kukësit nuk ka kapacitet për kaq persona të ndaluar, ndaj strukturat policore morën këtë vendim. “BalkanWeb” ka mësuar se të personat e arrestuar nuk ndodhen të gjithë në ambientet e Drejtorisë së Policisë, por janë ndarë në disa komisariate.
Kështu, gazetarja Dorjana Bazat tha për ‘BW’ se 12 protestues janë Drejtorinë e Policisë së Tiranës, 4 protestues të ndaluar në Komisariatin nr. 3, 3 protestues janë në Komisariatin nr. 1, ndërsa 4 të tjerë në Komisariatin nr. 2.
/a.m.
