Izraeli dhe Irani vijuan gjatë natës sulmet ndaj njëri-tjetrit. 8 viktima u shënuan në territorin izraelit nga sulmet e fundit iraniane, ndërsa mbi 300 të tjerë u plagosën. Në total, që nga e premtja janë shënuar 24 viktima, dhe rreth 600 të plagosur, 10 prej të cilëve në gjendje të rëndë. Ndërsa në Iran, janë vrarë 224 persona që nga e premtja dhe mbi 1200 të tjerë janë plagosur, sipas të dhënave nga ministria e Shëndetësisë.
