Izraeli kreu sulme ajrore në vendet e Hamasit në Gaza në përgjigje të sulmeve të mëparshme të bëra nga pala palestineze si dhe në shenjë hakmarrje ndaj balonave zjarr-ndezëse.
Deri më tani nuk raportohet për viktima por janë shkaktuar dëme materiale.
Armëpushimi i ndërmjetësuar nga Egjipti i dha fund konfliktit 11 ditor Izrael-Hamas gjatë muajit Maj por militantët e Gazës kanë dërguar sporadikisht balona që mbajnë materiale ndezëse në Izrael.
Balonat e lëshuara të hënën ndezën zjarre të tëra në fushat izraelite përgjatë kufirit me Gazën.
Balonat ndezëse janë një taktikë e zakonshme e përdorur nga militantët palestinezë në Rripin e Gazës, i cili ka qenë nën një bllokadë të rreptë izraelite që nga viti 2007, kur Hamasi mori pushtetin atje.
Dhuna ndërkufitare është rritur ndjeshëm megjithëse u duk se vendet patën një armëpushim të brishtë. Përshkallëzimi i fundit i tensionit vjen pas përplasjeve të fundjavës në kufi ku dhjetëra persona u plagosën. Një oficer i policisë kufitare izraelite dhe një 13-vjeçar palestinez mbetën të plagosur rëndë.
Sulmet izraelite gjatë majit vranë më shumë se 250 palestinezë ndërsa në Izrael u shënuan 13 viktima.
/a.r
