Ish-truproja i Sali Berishës, Izet Haxhia i ka bërë thirrje Edi Ramës të shkatërrojë me urgjencë shtetin paralel të Sali Berishës ose t’ia mbathë sa më parë. Sipas tij, SHISH është gati për t’u hedhur në një sulm destabilzues. “Marshalli sot ka në dorë organet më jetike të shtetit siç janë shërbimet sekrete dhe ato të drejtësisë. Ai ka në shërbim të verbër të tij kamikazët e dikurshëm të SHIK-ut të Gazidedes që janë strehuar në SHISH-in e Ajazit.
Ata janë të gatshëm të hidhen në sulme destabilizuese sapo t’i nevojiten marshallit dhe duhet ta dini se marshalli është i pamëshirshëm në hakmarrjen e tij. Ka ardhur momenti i fundit ku Rama ose të shkatërrojë këtë ‘shtet’ paralel të marshallit ose të mbledh poturet e të ikë atje ku iku pas drurit që hëngri, po nga ata që sot i ka në shërbimin sekret të shtetit paralel të marshallit”, thotë Haxhia. (shqiptarja.com / a.r)
