Presidenti i Maqedonisë, Gjorge Ivanov, në fjalimin e tij vjetor në Kuvend përmendi Platformën e Tiranës, për të cilën tha se u shndërrua në një krizë kushtetuese, shkruan Alsat.m
“Mandatin e kam dhënë vetëm pasi u dhanë garanci me shkrim, për mbrojtjen e integritetit të vendit. Kriza e gjatë politike u reflektua edhe në ekonomi. Në raste se para një kohe ishim të parët në rajon sa i përket fushës së ekonomisë, tani jemi të fundit”, tha Ivanov.
Ivanov kritikoi qeverinë e Kosovës për shumën e parave që ndau për familjarët e grupit të Kumanovës.
“Qeveria e Kosovës vendosi të ndajë ndihmë financiare për aktorët e angazhuar në aktet e dhunshme dhe terroriste në Gushincë dhe Kumanovë. Qeveria e Kosovës e shprehu falemenderimin për kujdesin e mbi 350.000 refugjatëve kosovarë në vitin 1999, njohjen e Pavarësisë së Kosovës dhe kyçjen e Kosovës në bashkëpunimin rajonal”, deklaroi Ivanov.
Të pranishëm në fjalimin e presidentit Ivanov, midis tjerëve ishin edhe përfaqësues të trupit diplomatik, kryeministri Zoran Zaev, përfaqësues të Qeverisë, të institucioneve gjyqësore, bashkësive fetare si dhe kryetari i sapozgjedhur i VMRO-DPMNE-së, Kristian Mickoski. /b.d
