Ish-zyrtarja e kryeministrisë, Alda Klosi është transferuar sot nga spitali drejt paraburgimit. Panorama TV mëson se Klosi është transferuar në burgun e grave 325 në zonën e “Ali Demit” në kryeqytet.
42-vjeçarja është vendosur në dhomën e observimit të paraburgimit ku do qëndrojë nga 5 deri në 10 ditë.
Më pas, ajo do të kalojë në dhomën e paraburgimit në pritje të përfundimit të hetimeve dhe gjyqit ndaj saj.
Alda Klosi është lënë në masën arrest me burg nga gjykata, pas zbulimit të një shumë parash në shtëpinë e saj të cilat u grabitën nga pastruesja Rozeta Dobi.
HIstoria është ende nën hetim, pasi Rozeta Dobi dëshmoi se nuk i grabiti paratë, por e inskenoi të gjithë situatën në bashkëpunim me Alda Klosin. Këto pretendime pritet të zbardhen nga ana e Prokurorisë.
/e.d
