Pas tërmetit të disa muajve më parë Italia është tronditur sërish nga një lëkundje e fortë e magnitudës 5.4 ballë. Epiqendra është regjistruar në zonën e Visso-s (Macerata) në qendër të shtetit italian, por tërmeti është ndier thuajse kudo, përfshi këtu edhe Romën., shumë banorë të të cilës kanë dalë në rrugë nga frika. Momentalisht nuk është raportuar për njerëz të lënduar, teksa dëme materiale ka patur, por ende nuk ka një bilanc.
ora20:00 Vje video e parë që tregon dëmet e tërmetit. Tgcom ka publikuar një video të një gazetari që tregon dëmet e shkaktuara në kishën e Visso-s, aty ku ihste dhe epiqendra e tërmetit.
Chiesa di Visso, crolli #Terremoto pic.twitter.com/tNnUPbUsOI
— Claudio Paudice (@clapaudice) October 26, 2016
Tërmeti është ndier edhe në zonën e prekur më parë në Abruzzo, ndërsa në epiqendrën e lëkundjeve ka patur mjaft frikë nga ana e banorëve, të cilët i janë dretuar të gjithë rrugëve të qytezës. Mediat italiane raportojnë se ka patur dhjetëra telefonata në drejtim të zjarrëfikësve.
La Repubblica citon sizmologun Alessandro Amato i cili thotë se kjo lëkundje sizmike është e lidhur me tërmetin e 24 gushtit në Amatrice dhe se faktikisht ka ndodhur në zonën aktive të vendit ku ndodhi dhe tërmeti i parë.
Nga ana tjetër, Tgcom raporton se pas tërmetit 5.4 ballë, dy tërmete të tjera me magnitudë 2.6 e .25 ballë janë regjistruar. Gjithashtu në epiqendrën e tërmetit raporton Tgcom, linjat elektrike të qytezës së Vissos janë djegur… raportime të ngjashme për rënien e energjisë elektrike ka patur edhe në zonat përreth epiqendrës së tërmetit.
Tërmeti ka prekur thuajse të gjithë Italinë qendrore, nga Roma, L’Aquila, Perugia dhe Terni. Lëkundjet janë ndier edhe në Ascolano të Ankonës, në Fabriano dhe Pesaro. Shkundja u ndie madje edhe në Firenze, Arezzo, Napoli e Caserta./java/a.k
Më poshtë harta e tërmetit, e publikuar nga La Repubblica
