Autoritetet italiane janë të shqetësuara pasi në vend ekziston rreziku nga malaria. Një vajzë 4-vjeçare vdiq nga kjo sëmundje në Brescia. Vogëlushja Sofia Zago vdiq në spitalin e Brescias pasi më herët ajo kishte qenë me pushime së bashku me prindërit në rivierën e Venetos.
Por shqetësues mbetet fakti se ku u infektua vogëlushja nga malaria. Në muajin Gusht ajo ishte trajtuar për diabet në spitalin e Trentos raporton Ansa. Dyshohet se pikërisht në spital e mitura ka marrë edhe sëmundjen e malarias.
“Sipas indikacioneve të para, vogëlushja mujnd të jetë infektuar në spitalin e Trentos nga malaria dhe kjo e bën situatën më të rëndë”, ka thënë ministrja e Shëndetësisë në Itali Beatrice Lorenzin./a.m.
