ITALI-Policia italiane ka ndërmarrë një operacion në brigjet e Salento në Brindizi, ndërsa ka sekuestruar rreth 2,5 ton marijuanë e cila dyshohet se kishte ardhur nga Vlora.
Operacioni u krye nga Njësite e Brindizit të Guardia di Finanzia në bashkëpunim me Departamentin i Operacioneve Detare në Bari.
Mediat italiane shkruajnë se lënda narkotike e sekuestruar mendohet se vinte nga qyteti i Vlorës, e kontrolluar nga mafia lokale e zonës.
Ekuipazhi i varkës ku u gjet droga kanë mundur të largohen dhe policia po punon për identifikimin dhe kapjen e tyre.
Sekuestrimi i drogës është bërë gjatë natës së kaluar. Hetimi për këtë drogë do të përfshihet në dhjetëra dosjet hetimore të Drejtorisë së Antimafias së Leçes. (Balkanweb)
