Një zjarr i fuqishëm ka përfshirë aeroportin e Fiumincinos në Romë të Italisë. Ngjarja ka ndodhur në orët e para të mëngjesit të sotëm ku zjarri ka përfshirë terminalin numër 3 të fluturimeve ndërkombëtare.
Ka qenë ndërhyrja e forcave zjarrfikëse të cilat kanë arritur të vënë flakët nën kontroll rreth orës 7 të mëngjesit. Megjithatë sipas mediave italiane flakët kanë qenë të mëdha aq s mund të dukeshin me kilometra larg.
Aeroporti është i mbyllur të paktën deri në orën 14:00 ndërsa janë pezulluar fluturimet mes të cilëve edhe fluturimet e linjës Tiranë-Romë.
Për disa orë kanë qëndruar të mbyllura edhe rrugët përreth aeroportit dhe linja hekurudhore që e lidh atë me Romën.
Sipas të dhënave paraprake, shkak i zjarrit dyshohet të ketë qenë një shkëndijë elektrike ndërkohë që përjashtohet mundësia e një sulmi të qëllimshëm.
Megjithatë fatmirësisht nga flakët nuk ka pasur të lënduar, por dëme të konsiderueshme materiale.
Redaksia Online
(JavaNews.al)
