Një 26 vjeçar shqiptar është vrarë mbrëmjen e se mërkurës në itali me armë zjarri. Sipas të dhënave të policisë italiane ngjarja ka ndodhur në qytetin e Varezes ku i riu është goditur me një plumb në fytyrë.
Ai u transportua në spital por nuk mundi t’i mbijetojë plagës së marrë.
Policia italiane ka nisur hetimet për zbardhjen e rrethanave të plota të kësaj ngjarjeje.
Hetuesit po punojnë në dy pista për zbardhjen e saj. E para është ajo e një atentati, ndërsa nuk përjashtohet edhe mundësia e një ngjarjeje aksidentale.
