Edlira Çopa 38 vjeç, shqiptarja e cila masakroi me thikë në mars të vitit të kaluar tre vajzat e saj në Leko të Italisë, është shpallur e pafajshme nga Gjykata. Në procesin gjyqësor të mbajtur ditën e sotme, gjykata e ka shpallur të pafajshme 38 vjeçaren pasi sipas trupit gjykues ajo ka probleme mendore.
Megjithatë në bazë të vendimit, Çopa do të qëndrojë për 10 vjet në një klinikë psikike ku do të trajtohet pas problemeve mendore të shfaqura.
Në mars të 2014, në Leko ajo vrau me thikë tre vajzat e saj Sidni, Kejsi dhe Simonën, përkatësisht 3, 10 dhe 13 vjeç. Sipas hetimeve të policisë italiane masakra erdhi për shkak të depresionit të së ëmës, ku shkak ishte edhe divorci me bashkëshortin e saj Bashkim Dobrushi
Pak pas vrasjeve forcat e rendit e gjetën gruan jashtë shtëpisë me plagë në duar dhe në gjendje shoku. Në komisariat Edlira pranoi vrasjet duke thënë se e bëri për t’u shmangur vajzave të saj një të ardhme të mjerueshme.
Tre vajzat Simona, Keisi dhe Sindi janë varresur ne atdhe, ne vendlindjen e tyre në Kukës.
