Së shpejti, Italia do të bëjë të mundur furnizimin e makinave nëpërmjet vetë-shërbimit edhe për automjetet me gaz. Dekreti i Ministrive të Brendshëm ka bërë të ditur për “Gazzetta Ufficiale” se vendimi do të hyjë në fuqi më 19 prill.
Për të filluar “operacionet” e para do të jetë i nevojshëm aktivizimi i përdoruesve fillestar. Në fakt, vetëm ata që do të ndjekin udhëzimet e parashikuara nga Dekreti i Ministrave do të mund të sigurojnë furnizimin me vetë-shërbim për këto automjete.
Nga ana tjetër, duhet parë nëse të gjithë ofruesit e shërbimit do të jenë të gatshëm të përfshihen (anëtarësia është vullnetare).
“Dekreti i Ministrave më në fund do të japë shtysë të re për përhapjen e motorëve me gaz” u shpreh Licia Balboni, presidente e kompanisë shpërndarëse të metanit, Federmetano. Burimi: Il sole 24 ore, përgatiti SCAN.
