Një 29-vjeçar është arrestuar sot nga policia italiane, pasi iu gjet nën jastëk një pistoletë si dhe një sasi droge. Ngjarja është regjistruar në Avezzano të Italisë. “Ansa” shkruan se i riu, identiteti i të cilit nuk dihet, akuzohet për trafik droge dhe armëmbajtje pa leje.
Kanë qenë karabinierët e Njësisë Operative të Avezzanos ata që kanë bërë një kontroll blic në banesën e shqiptarit, të cilin e gjetën ende në krevat. Gjatë kontrollit të ushtruar në banesë, poshtë jastëkut u gjet edhe arma gjysme automatike e kalibrit 9, si dhe 130 gram marijuanë në krevat, të ndara në doza.
Tashmë pritet që shqiptari të dalë para gjykatës ku do t’i komunikohet edhe masa e sigurisë. Ndërkohë arma është dërguar për ekspertizë, për të parë nëse ajo është përdorur.
ma.me