Një shqiptar ka tentuar të përdhunojë një nënë të re me origjinë rumune në Castelfidardo, në Itali. 30 vjeçari akuzohet nga policia se ka tentuar të dhunojë seksualisht 26 vjeçaren, e cila sapo kishte vënë në sediljen e pasme vajzën e saj 2 vjeçe.
“Në fillim mendova se ishte një shaka, por duke parë se shtrëngonte edhe më fort, fillova të ulërija. Ai, i trembur, ia mbathi dhe më shtyu përpara. Unë rashë në tokë dhe përplasa gjurin. Gjëja e vetme që pashë është se kishte mbuluar fytyrën dhe ishte me kapuç në kokë. Fillova të qaja dhe të kërkoja ndihmë”, tregon rumunia.
Britmat e saj i ka dëgjuar një maroken i cili ka shkuar për ta ndihmuar. Shqiptari, aktualisht në kërkim, raportohet se nuk ka rekorde kriminale dhe prej disa muajsh qëndronte te një familje në lagjen “Figuretta”/a.k
