Dy shqiptarë të cilët vuanin dënimin në burgun e Civitavecchia-s në qytetin italian të Romës, kanë mundur gjatë mbrëmjes së djeshme të arratisen. Sipas mediave Italiane, të cilat kanë publikuar edhe fotot të dy shqiptarëve të cilët janë arratisur nga burgu, dy të dënuarit janë Lekë Luca, 33 vjeç dhe Roland Dajlani 42 vjeç, të dy të dënuar për grabitje dhe vjedhje.
Angelo Urso, zyrtar i institucionit të vuajtjes së dënimit, ka deklaruar për mediat italiane se dy të dënuarit janë arratisur pasi kanë mundur të kapërcejnë murin rrethues të burgut.
Sistemi i alarmit ka dhënë sinjalet e para për një arratisje të mundshme, ç’ka ka bërë që shërbimet e sigurisë të burgut të aktivizoheshin. Dy shqiptarët ende nuk është arritur të kapen, ndërkohë që autoritetet italiane vazhdojnë operacionet e kërkimit, ku është angazhuar edhe një helikopter. /ma.me
