“Me këtë sëpatë do ta vras”. Kjo fjali ka mjaftuar që të bjerë në gjurmët e Policisë italiane shqiptari ende i paidentifikuar, i cili do të kryente një vrasje në një stacion hekurudhor në Viterbo. Alarmin për efektivët e dha një shtetas italian, i cili rastësisht ishte ndeshur në stacionin e trenit me shqiptarin dhe ky i fundit i kishte rrëfyer planin e tij.
Mjaftuan të dhënat që dha italiani, për imazhin dhe veshjen që shqiptari të prangosej para se të kryente krimin. Atij iu gjet një sëpatë dhe një tub çeliku 42 cm, për të cilat nuk ishte në gjendje të shpjegonte pse i kishte me vete. Ai u arrestua nga Policia. /ma.me
