Një 49-vjeçar shqiptar me inicialet D.H është arrestuar nga policia në Itali pasi dyshohet se është autori i vjedhjes në disa raste, të parave që njerëzit linin në kishë për të varfërit.
Por ka përfunduar me pranga vizita e tij e fundit në kishën e Valdelsa. Mediat italiane bëjnë me dije se shqiptari ishte duke ngarë një bicikletë me shpejtësi pasi kishte dalë nga kisha. Lëvizjet e tij kanë bërë patrullën e policisë që ishte aty pranë të dyshojë tek burri dhe janë vënë në ndjekje të tij raporton Panorama.
Shqiptari mësohet se kishte ndalesën e rradhës për të grabitur në “Kishën e Shenjtë të Ghost”.
Aty patrulla e policisë e ka ndaluar shqiptarin sapo doli nga kisha ku kishte vjedhur paratë në kutitë brenda saj.
Me vete në momentin e ndalimit iu gjetën 200 euro, në monedha të vogla dhe kartëmonedha.
Hetimet kanë zbuluar se ai është autori i disa vjedhjeve të ndryshme që kanë ndodhur në kishat e zonës në Colle Val d’Elsa e Monteriggioni.
Shqiptari përdorte bicikletën në mënyrë që t’i mundësonte lëvizjen më shpejt dhe më i sigurt për të ikur nga vendi i “krimit”.
Ai është arrestuar dhe ndodhet në burg, në pritje të datës së gjyqit për masën e sigurisë.
