Gjatë një aksioni të efektivëve italianë ditën e djeshme, 64 mafiozë të Cosa Nostra-s janë vënë në pranga, ndër ta edhe një shqiptar 24 vjeçar me emrin Erjon Prendi.
Ngjarja ka ndodhur në Palermo, dhe akuzat e pasardhësve të Toto Rinës kanë të bëjnë me trafikimin e drogës, armëve dhe femrave.
Përfaqësuesit e antimafias në Itali deklaruan për mediat se disa prej të arrestuarve janë implikuar drejtpërdrejt ose tërthorazi në vrasjen spektakolare me tritol të gjykatësit Giovanni Falcone.
Mes të arrestuarve kryesorët janë sipas medias italiane “Xha Marino” dhe “Xha Gregorio”. Nisur nga mosha e tyre, Mario Marchese, 77 vjeç dhe Gregorio Agrigento, 81 vjeç, ata mësohet të jenë dhe besnikët e hershëm të kryemafiozit Toto Rina.
