Itali, arrestohen 9 shqiptarë, u kapën me 3500 kg drogë
Në kuadër të operacionit të koduar “Odisea”, policia italiane ka arrestuat 15 persona, 9 shqiptarë dhe 6 italianë, me akuzën e trafikimit të drogës mes Shqipërisë e Italisë.
Sipas medieve italiane, personat e arrestuar janë; Orest Mufali 33 vjeç, Albert Shqau 31 vjeç, Erion Mucaj 34 vjeç, Ermir Baja 46 vjeç, Jodian Shametaj 25 vjeç, Emiliano Shametaj 28 vjeç, Gentian Hoxaj 35 vjeç, Fatjon Hoxaj 28 vjeç, e Erson Zhuka 31 vjeç.
Ndërkohë italianët e arrestuar janë, Giancarlo Galatello 51 vjec, Gabriele Spagnoli 40 vjeç, Domenico Bottino 50 vjeç. Ndërsa, për tre italianët Maria Grazia Pastura 44 vjeç, Francesco Gatto 50 vjeç dhe Salvatore Franco 36 vjeç, është lëshuar urdhri i arrestit shtëpiak. Gjithashtu, operacioni “Odisea”, çoi në sekuestrimin e 3500 kilogramë drogë, me vlerën e 70 milionë eurove.
Policia financiare italiane ka deklaruar se, ky sekuestrim dëshmon se si trafikimi i marijuanës është sot një nga burimet kryesore të financimit të organizatave lokale mafioze të pranishme në rajonin e Sicilisë.
Sipas medieve italiane, operacioni “Odisea” është vazhdim i hetimeve të nisura pas përfundimit me sukses të operacioni “Reset” në vitin 2013-të, i cili çoi në arrestimin e 23 personave me akuzën e grabitjeve, mashtrimit, drogës e mbajtjes së armëve pa leje.
Hetimet e policisë së Katanias, vërtetuan ekzistencën e dy organizatave kriminale njëra me bazë në rajonin e Lacios, dhe tjera me qendër në provincat e Katanias e Raguzës në rajonin e Siçilisë. Këto organizata ishin përbërë kryesisht nga shqiptarë rezidentë në Itali që falë kontakteve me miqtë e tyre në Shqipëri realizonin furnizimin me marijuanë në sasi të mëdha.
Redaksia Java News/ f.g
