Vjen momenti i pranimit të fajësisë nga ana e Husnain Rashid, 32-vjeçarit britanik, fanatik i ISIS, i cili rrëfeu se po planifikonte të godiste familjen mbretërore angleze.
Ai ka thënë se synonte të rrëmbente dhe vriste princin George, sapo ai të dilte nga shkolla.
Përpara gjykatës së Woolwich Crown, 32-vjeçari me banim në Lancashire, pranoi këtë të enjte se kishte organizuar gjithçka.
Plani për të rrëmbyer djalin e William dhe Kate, i cili është i treti në radhë për trashëgiminë e kurorës, u organizua në një chat në grup, shkruan noa.al.
Në të Rashid drejtonte kanalin “Mujahid i vetmuar”. 32-vjeçari aktualisht ndodhet në burg, ndërkohë që rrezikon dënimin maksimal.
Vendimi ndaj tij do të jepet në 28 qershor./a.m.
