Në një raport të organizatës “Conflict Armament Research” janë bërë disa gjetje në lidhje me municionet që përdorin xhihadistët e ISIS për të luftuar, e ndër to ka rezultuar se disa prej tyre e kanë origjinën nga Shqipëria. Organizata me bazë në Londër, ka kryer një hulumtim në depot të armëve të braktisura nga luftëtarët e Shtetit Islamik në Siri. Nga ky hulumtim është zbuluar që Shqipëria figuron në mesin e disa shteteve, të cilët kanë prodhuar municione që janë në përdorim të kësaj organizate terroriste.
Municionet shqiptare janë zbuluar në baza të ISIS-it dhe janë gjetur aty para se Shqipëria të dërgonte armatime luftarake për ndihmë ushtrisë irakiane. Vendimi i qeverisë shqiptare i gushtit 2014 për të dërguar armë në Irak erdhi pas kërkesës së NATO-s, për të ardhur në ndihmë këtij vendi në luftën e saj kundër Shtetit Islamik.
Por armët e gjetura dyshohet se janë trafikuar ilegalisht nga Shqipëria drejt Sirisë para këtij vendimi. Policia e Shtetit arrestoi dy muaj më vonë, 8 persona, që akuzohen se trafikonin armë drejt Sirisë.
Ja dokumenti i plote pdf:
