Shteti Islamik po planifikon të lëshojë një “ushtri” prej 400 milionë ekstremistë hakerë mbi Perëndimin të cilët do të shkaktonin masakër më të keqe se me luftë nukleare, ka thënë një ekspert i kompjuterëve pranë presidencës në SHBA. John McAfee ka thënë se xhihadistët shpresojnë ta rrëzojnë internetin dhe të shkaktojnë shkrirje globale të shërbimeve pas zhvillimit të një aplikacioni telefonik të sofistikuar i cili lejon të gjithë anëtarët e tyre të kryejnë sulme kibernetike, raporton Express.co.uk, transmeton lajmi.net.
Eksperti i sigurisë së kompjuterëve, i cili e ka zbuluar anti-virusin “McAfee” ka thënë se 15 deri 25 për qind e popullsisë së botës myslimane prej 1.6 miliardëve, janë ekstremistë myslimanë, që do të thotë se ISIS mund të ketë një ushtri prej 400 milionë ndjekës fanatikë që janë të gatshëm të sulmojnë në çdo minutë.
Ekipi i cili shumë lehtë mund të jetë i prirë nga hakeri britanik, Junaid Hussain ka zbuluar një aplikacion i cili lejon kompjuterët e xhihadistëve të kryejnë sulmet ndaj ueb-faqeve të ndryshme.
Ekspertët tash thonë se hakerët e ISIS-it e kanë kryer fazën testuese të aplikacionit, pasi që javën e kaluar kishin bërë një përpjekje për të sulmuar 13 serverët rrënjësorë që mbajnë “gjallë” internetin nëpër botë, transmeton lajmi.net Përderisa sulmi ka dështuar, është e vërtetë se ka pasur ngadalsime në shërbimin e internetit nëpër botë dhe është përshkruar si një përpjekje e pashembullt për sulm në zemër të shoqërisë moderne Perëndimore.
ISIS-i tash po ua dërgon aplikacionin te ndjekësit e saj duke i udhëzuar ata ta përdorin atë për të lëshuar një masakër teknologjike mbi Perëndimin. McAfee, ka thënë se bota po i nënçmon pjesëtarët e ISIS-it “Ata janë shumë më të mençur në shkencat kibernetike se sa ne i vlerësojmë ata”, ka thënë McAfee, përcjell lajmi.net
Raportohet se tashmë janë bërë përgatitjet e nevojshme që të parandalohet një sulm i tillë, por nuk dihet se sa mund të jenë të suksesshme përpjekjet për ta parandaluar. E gjithë kjo ngaqë të gjithë ndjekësit e ISIS-it, mund të përdorin aplikacionin për sulme kibernetike në një mënyrë shumë të thjeshtë.
