Një 65-vjeçar nga Pllana, Lezhë, është gjetur i pajetë rreth orës 17:30 në breg të lumit Mat, pas disa orësh kërkimesh nga Policia, e cila ishte njoftuar nga vajza e tij për humbjen e kontaktit.
Nga këqyrja paraprake, viktima Gjergj Tusha ka shenja dhune, përfshirë një plagë që dyshohet të jetë nga armë zjarri.
“Rreth orës 14:40, në Sallën Operative ka telefonuar shtetasja A. Gj., duke njoftuar se kishte humbur kontaktet me babain e saj, shtetasin Gj. T., 65 vjeç, banues në Pllanë, Lezhë. Menjëherë, shërbimet e Policisë kanë nisur kërkimet për gjetjen e tij. Pas disa orësh kërkimesh, rreth orës 17:30, në breg të lumit Mat, në Pllanë, Lezhë, është gjetur pa shenja jete shtetasi Gj. T. Nga këqyrja paraprake, viktima ka shenja dhune, përfshirë një plagë në trup, dyshohet nga armë zjarri”, njofton policia.
