Në studion e “Spotlight” në “Vizion Plus”, ish-presidenti Bamir Topi u ndal edhe të përplasja mes Sali Berishës dhe Lulzim Bashës.
Ndërsa e cilësoi Bashën si bashkëpunëtorin më të afërt poilitik që ka pasur ish-kryeministri, ai shtoi se kreu aktual i PD është konsideruar gjithmonë si “njeriu i familjes së Berishës”, që nuk hyri kurrë në selinë blu nga dera kryesore.
“Unë kam bërë një analogji, një histori që përsëritet në mënyrë ciklike, marrëdhënia e Enver Hoxhës me Ramis Alinë. Basha për Berishën nuk është thjesht bashkëpunëtori më i afërt politik, i cili hyri nga dera e pasme e oborrit të PD, asnjëherë Basha nuk hyri midis njerëzve, nga dera kryesore. Çelësat i ka pasur vetëm Berisha, ky është njëriu që u konsiderua që në momentin e parë si njeriu i familjes. Është një goditje që ka marrë në mënyrë të befasishme nga një person që e kishte menduar njeri të familjes.”
/b.h
