Një 15-vjeçare nga qyteti i Durrësit është zhdukur prej 4 ditësh. Adoleshentja me inicialet E.S. humbi kontaktet në datën 19 Maj rreth orës 7.30 minuta, teksa ishte nisur për në shkollë. Vajza doli e vetme nga banesa e saj dhe ishte nisur si çdo ditë për në shkollë, por nuk mbërriti kurrë në institucionin arsimor.
Po ashtu, vajza nuk u kthye në banesë kur duhej të kthehej si zakonisht. Prindërit e saj pritën për disa orë por kur vajza nuk po vinte, ata dyshuan se diçka kishte ndodhur. Ata u drejtuan menjëherë në ambjentet arsimore ku kontaktuan me stafin arsimor të shkollës. Por, vajza nuk kishte mbërritur kurrë në shkollë në datën 19 Maj.
Asnjë prej shokëve dhe shoqeve të klasës nuk e kishin parë atë në ambjentet arsimore. Pasi pritën për disa orë, familjarët denoncuan rastin në ambjentet e Policisë së Durrësit. Uniformat blu kanë marrë rastin në dorë dhe kanë nisur kërkimet për gjetjen e vajzës. Po ashtu, mësohet se rasti është referuar në prokurori e cila nga ana e saj ka nisur veprimet.
Hetimet
Zhdukja e 15-vjeçares po hetohet në disa pista nga ana e uniformave blu dhe prokurorisë së Durrësit. Për momentin autoritetet i tremben rrëmbimit të vajzës për motive trafikimi. Për këtë arsye, fotot e vajzës janë shpërndarë në të gjitha pikat kufitare si dhe në patrullat e policisë pranë kufijve. Po ashtu kontrolle po kryhen në ambjente të ndryshme në qytetin e Durrësit. Ndërkohë, pritet zbardhja e tabulateve telefonike të adoleshentes për tëzbuluar personat me të cilët ajo ka komunikuar kohët e fundit.
Nuk përjashtrohet mundësia që ajo të jetë mashtruar nga ndonjë person me të cilin ka pasur lidhje dashurie. Ndërkohë, pista tjetër e hetimit është një konflikt i mundshëm i vajzës me familjarët e saj. Edhe pse fmailjarët nuk kanë folur për ndonjë konflikt të përmasave që mund të bënin vajzën të largohej, po kryhen verifikimet përkatëse./Javanews/a.m.
