Policia e Fierit ka arrestuar sot një person të shpallur në kërkim për shitje dhe prodhim të lëndëve narkotike.
I arrestuari është 41 vjeç, dhe është identifikuar si Luftar Xhafa banues në Kuman.
Njoftim i policisë
Kapet dhe ndalohet një shtetas i shpallur në kërkim për prodhim dhe shitje të narkotikëve i dënuar me 4 vjet e 10 muaj burg.
Nga Specialistët e Sektorit për Hetimin e Narkotikëve në Drejtorinë Vendore të Policisë Fier, u ekzekutua urdhëri i Prokurorisë së Rrethit Gjyqësor Fier për ndalimin e shtetasit:
-Luftar Xhafa, 41 vjeç, banues në Kuman, Roskovec.
Ndalimi i këtij shtetasi u bë pasi me vendimin e datës 28.06.2017, Gjykata e Apelit Vlorë e ka dënuar me 4 vjet e 10 muaj burgim për veprën penale “Prodhimi dhe shitja e narkotikëve” parashikuar nga Neni 283/2 i Kodit Penal.
a.ç
