Këngëtarja Beatrix Ramosaj, ka bërë daljen e parë televizive pas daljes nga shtëpia më e famshme në Shqipëri. Ajo ka qenë e ftuar në panelin e të larguarve në BBVIP, ku ka rrëfyer dhe eksperiencën e saj gjatë këtyre ditëve në jetën jashtë Big Brother.
Beatrixa theksoi se ka marrë shumë mbështetje nga familjarët, miqtë dhe fansat e saj të cilët e kanë surprizuar me dashurinë e dhënë.
“Si fillim ju kërkoj shumë ndjesë për vonesën dhe ju falenderoj për mirëkuptimin që unë të merrja veten. Ju falenderoj shumë, kam marrë një ngrohtësi nga produksioni, nga ju. Unë kam një ritëm më të avashtë nga konkurrentët e tjerë.
Kam kaluar të them të drejtën të ambientohesha dhe të kapja ritmin e jetës reale. Jam rrethuar me shumë dashuri nga familjarët dhe miqtë. Jam surprizuar, kam marrë mesazhe shumë të gjata dhe jam realisht shumë e lumtur.
Muzika është pasioni im është terapia ime. Studioja është vendi ku unë ndihem e sigurt dhe jam e lirë të shprehem sipas mënyrës time. Donaldin e kam ndjekur. Jam munduar mos t’i ndjekë aq shumë por nuk kam mundur se gjysmën time e kam aty brenda”, tha Beatriksa./m.j
