Leonardo Bonucci është prezantuar para gazetarëve në një konferencë shtypi të organizuar nga skuadra e Juventusit.
Mbrojtësi italian bëri një rikthim të pabesueshëm te Juventusi këtë verë, pas kalimit me shumë polemika te Milani një vit më parë.
Në konferencën për shtyp, Bonucci e ka cilësuar si gabim kalimin te Milani, duke thënë se te Juventusi fitohen titujt.
“Jam entuziast që jam kthyer. E kam bërë sepse më mungonte shtëpia. Falënderoj Juventus-in, trajnerin, menaxherin tim dhe Milan-in, që më kanë lejuar të jem këtu sot për të nisur këtë rrugëtim të ri”, ka thënë Bonucci.
“Viti i kaluar te Milan më ka dhënë shumë në aspektin njerëzor, por më ka hequr fitoret. Këtu ka organizim dhe fitohet”.
Në lidhje me vendimin për të shkuar te Milan: “Ka qenë një vendim i marrë në një moment zemërimi, nuk ka qenë ai i duhuri./a.m.
