Miralem Pjanic do ta nisë me vonesë aventurën e tij me Barcelonën. Mesfushori boshnjak i transferuar gjatë kësaj vere nga Juventusi te blaugranat nuk do të jetë i pranishëm në ditët e para të grumbullimit të Barçës në kuadër të përgatitjeve për sezonin e ri, pasi ka rezultuar pozitiv me COVID-19.
Lajmi është bërë i ditur nga vetë klubi i Barcelonës me një komunikatë në faqen zyrtare. Lojtari do të mbetet i izoluar në shtëpi për 15 ditë dhe nuk do të jetë në gjendje të fillojë stërvitjen para-sezonale me Barcelonën.
Një goditje për Pjanic, i cili ishte caktuar të fluturonte javën e ardhshme. Ai ishte me pushime në Porto Cervo, Sardenjë, e cili është bërë një vatër e re e rasteve koronavirus në Itali.
30 vjeçari kompletoi transferimin për 60 milionë euro si pjesë e një marrëveshje shkëmbimi me Arthur Melon.
g.kosovari
