Bosi i mafias Raffaele Cutolo, i quajtur ndryshe si “Profesor”, protagonist i një prej episodeve më të përgjakshme të mafies napolitane në vitet 1970 dhe 1980, vdiq dje në moshën 79 vjeç në burg.
Sipas shtypit italian, Raffaele Cutolo vdiq në një spital në Parma pas 57 viteve burg gjatë të cilave ai nuk tregoi asnjë shenjë pendimi, apo të bashkëpunonte me gjyqësorin në hetimin e organizatës “Nuova Camorra Organzata” (Neë Organized Camorra), të cilën ai e themeloi dhe që ishte në krye për të gjitha klanet e tjera.
Lindur në 1941 në zonën e Napolit, në moshën 22 vjeç ai u dënua për herë të parë për vrasjen e një burri që fyeu motrën e tij. Në burg, me karizmën dhe dhuntinë e e tij poetike, ai fitoi pseudonimin “Profesor”.
Veçantia e organizatës së tij qëndron në faktin se ai e themeloi atë në burg dhe e menaxhoi atë nga burgu në të cilin ai kaloi pothuajse tërë jetën e tij të rritur.
Me të, ndarja midis familjeve të mëdha të Camorra-s, mafias napolitane, e cila përfundimisht duhej t’i jepte llogari atij për atë që kishte arritur përmes dhunës së përkrahësve të tij që e adhuronin atë, kishte mbaruar.
Fuqia e tij ishte aq e madhe saqë ai kishte marrëdhënie me shërbimet sekrete dhe politikanët.
Falë kontakteve të tij, ai siguroi kontrata të mëdha për të rindërtuar qytetinIrpinia në jug, të shkatërruar në 1980 në një tërmet të madh me 3,000 viktima.
Kontratat e rindërtimit u fituan nga ndërmarrjet e kontrolluara nga njerëzit e tij.
Mbretërimi i tij u shënua nga valë atentatesh, mesatarisht 300 në vit, ndërsa perandoria e tij përfshinte një gamë të gjerë aktivitetesh, që nga kontrabanda e cigareve e deri në sektorin publik.
Ai frymëzoi dhjetëra libra dhe madje edhe një film, si dhe përsëriti disa herë gjatë jetës së tij se posedonte sekrete me të cilat mund të rrëzonte shtetin italian.
“Ai ishte një shef i fuqishëm, më i fortë se kryeministri. Kjo fuqi e mbajti atë në burg gjithë jetën e tij,” komentoi për të përditshmen La Stampa shkrimtari napolitan Roberto Saviano, autori i librit “Gomorrah”. /tesheshi
g.kosovari
