Policia e Tiranës ka njoftuar se dy djemtë e denoncuar si të zhdukur nga e ëma janë gjendur.
Ata ishin zhdukur që prej dy ditësh nga shtëpia, ndërsa e ëma kishte bërë denoncimin në polici, e cila sot i kishte gjetur dy djemtë përkatësisht të moshës 10 dhe 12 vjeç në zonën e ish Bllokut në kryeqytet.
Njoftimi i policise
Në lidhje me denoncimin e bërë më datë 07.08.2017 në Komisariatin e Policisë nr 6 në Kombinat nga një shtetase për largimin nga banesa më datë 06.08.2017 e dy fëmijvë të saj të mitur, E.M., 12 vjeç, dhe F.M., 10 vjeç, ju informoj se:
Të dy fëmjët janë gjetur para 30 minutash në rrugët e bllokut Tiranë në gjendje shëndetësore të mirë dhe tashmë ndodhen me mamanë e tyre.
***
Policia e Tiranës ka nisur kërkimet për dy fëmijë të moshave 10 dhe 12 vjeç pas denoncimit të nënës së tyre.
Sipas të dhënave zyrtare dje është paraqitur në polici 40-vjeçarja me inicialet S.M., e cila ka pohuar se dy djemtë e saj të mitur kishin ikur nga banesa dhe nuk janë kthyer më.
“Më datë 07.08.2017, shtetasja S.M, vjeç 40, banuese në Tiranë, kallëzon se, më datë 06.08.2017, janë larguar nga banesa 2 djemtë e saj të mitur vjeç 12 e 10. Punohet për gjetjen e tyre”, njofton policia, e cila ka referuar materialet në Prokurorinë e Rrethit Gjyqësor Tiranë dhe ka nisur kërkimet për gjetjen e dy të miturve.
Mësohet se policia ka shpërndarë fotografitë dhe identitetet e dy vëllezërve në pikat kufitare për të shmangur një trafikim të mundshëm. /b.d
