Ricky Martin po përballet me akuza të rënda nga nipi i tij 21-vjeçar, i cili e ka akuzuar për incest dhe dhunë në familje.
Pas deklaratave të rënda, në mbrojte të këngëtarit ka dalë i vëllai, i cili ka deklaruar se nipi i tyre ka probleme të shëndetit mendor.
Pretendimet vijnë pasi u zbulua se nipi i Ricky, Dennis Yadiel Sanchez ka precedent kriminal dhe se kishte tentuar të vriste një kolege të tij.
Claudia Ramrez Martell mori udhër ndalimi, pasi i riu u fiksua pas saj, duke e ndjekur jashtë vendit të punës dhe duke i thënë se planifikonte ta vriste.
Ndërkohë vëllai i këngëtarit, Eric Martin, pohoi në një video në Facebook Live se Sanchez “ka probleme mendore”.
Ai u shpreh se 21-vjeçari, i cili tashmë nuk është më pjesë e familjes, kishte lënduar dhe të afërm të tjerë.
Eric theksoi se familja kishte luftuar për tu përballur me problemet mendore të Sanchez, por tanimë ishin lidhur, duke shtuar se pavarësisht këtyre ata e duan nipin e tyre.
Të njëjtat akuza ka bërë edhe ekipi ligjor i këngëtarit 51-vjeçar, që kanë pohuar se i riu po përballet me sfida të rënda të shëndetit mendor.
Pretendimet kundër këngëtarit dolën pasi Sanchez, djali i gjysmë motrës së tij, Vanessa Martin, kërkoi urdhër mbrojtje ndaj dajës së tij më 1 korrik.
Sanchez ka pohuar se Ricky ka ‘ushtruar dhunë fizike dhe psikologjike’ ndaj tij gjatë lidhjes së tyre shtatëmujore, e cila ai thotë se përfundoi rreth dy muaj më parë.
“Ricky Martin nuk ka qenë dhe nuk do përfshihet kurrë në asnjë lloj marrëdhënie seksuale apo romantike me nipin e tij”, tha avokati Martin Singer.
