Deputeti Kujtim Gjuzi, i rikhtyer në Kuvend pas përfundimit të dënimit për shkelje të rregullores ka hedhur akuza kundër Gramoz Ruçit. Në fjalën e tij, Gjuzi tha se Ruçi është ai që thyen rregulloren duke mos lejuar deputetët të replikojnë me Kryeministrin.
Më tej opozitari zbardhi dhe një telefonatë që kishte zhvilluar me kreun e Kuvendit, duke thënë se ai kishte vendosur veton për ta dënuar në Byro.
“Në seancës e kaluar unë mungova, pasi ju më dënuar se kisha shkelur rregulloren. Rregulloren e shkelni ju duke mos më thënë të drejtën e fjalës për të replikuar me kryeministrin e Shqipërisë, kur ai fyen dhe denigron.
Por unë do u respektojë juve dhe të gjitha institucionet, por sërish unë u respektoj dhe juve. Se në telefonatën që patëm bashkë ishe i mirëkuptueshëm, por sërish në mbledhjen e Byrosë ju kishit vendosur veton duke kërkuar 4 ditë përjashtim dhe jo dy ditë siç kërkuan kolëgët e tjerë”, tha Gjuzi.
Pas fjalës së Gjuzi, Ruçi i është përgjigjur duke thënë se nuk kishte shkelur asnjë nen të rregullores. Teksa Ruçi vijoi me shpjegimet për akuzat, Gjuzi e ka ndërprerë disa herë dhe si përgjigje ka marrë: E shikon që je i sëmurë, vetëm ndërpret të tjerët.
g.kosovari
