Ditë më parë ka ndërruar jetë Ali Çeno, ish truproja e Mehmet Shehut, i cili pas rënies së diktaturës ka dhënë dëshmi të kundërta me versionin zyrtar per vetëvrasjen e ish kryeministrit me jetëgjatë ne komunizem.
Pas vdekjes se Shehut, Ali Çene u torturua dhe u burgos nga regjimi, shkruan newsbomb.al.
Në intervistat e shumta, Ali Çene ka dhënë dëshminë e tij për mënyrën se si u eleminua Mehmet Shehu nga Enver Hoxha për të mos e lejuar të ishte pasardhesi i tij ne pushtet. Natën e vdekjes, Ali Çene ishte ndër te parët që pa kufomen e Shehut.
“Grupi i ekspertëve ka ardhur pas gati 2 orësh dhe filluan të bëjnë kontrollin e dhomës. Tek komodina ishte një gotë me një lëng të verdhë, sepse ai zakonisht pinte kamomil ose lule bliri, por mënyra se si u zhduk ajo gotë, mua më lë të dyshoj shumë. Ne shkuam tek zyra e Mehmetit dhe kur u kthyem, gota ishte zhdukur. Më pas e gjetëm të larë dhe të kthyer përmbys në lavaman. Kjo më lë të dyshoj se aty mund t’i kenë futur ilaç gjumi dhe mund ta kenë asgjësuar”,ka dëshmuar Çene. /l.m
