Ndryshimi që kanë pësuar sot ish-qytetet industriale të Shqipërisë, si ish-metalurgjiku i Elbasanit apo ish-Qyteti Stalin, është parë nga artisti i Kosovës Alban Mujo, si një “grishje artistike”.
Duke parë transformimet e qyteteve në kushtet e një zhvillimi shpesh pa kritere, ai hodhi skicat e para të veprës “Hotel”, e cila pak ditë më parë u shfaq në plazhin e Drimadhes në edicionin e dytë të Festivalit “Albanian light“, transmeton atsh.
Nën kurimin e Klod Dedës, kjo vepër është më shumë se një përndezje dritash në një plazh mbrëmjeje. Tri shkronjat e para të ndezura me poç elektrik, shihen nga artisti si “leftover” i asaj çfarë ka mbetur nga një sistem i kaluar. (b.an)
