Dy ish-punonjës të kompanisë DIA, kanë dhënë deklarime në gjykatë kundër ish-shefit të tyre Kastriot Ismailaj.
Ilir Shabani dhe Ardian Suku, sipas prokurorise i kanë qëndruar deklarimeve të dhëna paraprakisht duke pohuar se pas kontratës mes DIA dhe CEZ kishin punuar realisht vetëm dy muaj e gjysmë dhe më pas kishin plotësuar dokumente fiktivisht për volum pune në terren.
Dokumentet plotësoheshin mbi bazën e të dhënave që u dërgoheshin nga punonjës të CEZ që ishin ata realisht që identifikonin borxhlinjtë e që më pas të dhënat ia kalonin kompanisë DIA në mënyrë që ajo ti paraqiste raportet si punë të saj me qëllim marrjen e pagesës për të cilën ishte rënë dakord në marrëveshje.
Punonjësit kanë thënë se “kanë qenë të detyruar të prodhinin letrat në fjalë”.
Panorama/d.i.
