Ish-Presidenti i SHBA Jimmy Carter ka vendosur të marrë kujdesin në shtëpinë e tij në Xhorxhia dhe nuk do të bëjë asnjë ndërhyrje mjekësore shtesë.
Carter 98 vjeç, i cili ka jetuar më gjatë pas largimit nga Shtëpia e Bardhë se çdo ish-President në historinë e SHBA-së, ishte një demokrat që shërbeu nga Janari 1977 deri në Janar 1981.
I lindur në Xhorxhia në vitin 1924, Carter hyri në politikë në vitet 1960 kur u zgjodh si Senator i shtetit, përpara se të bëhej Guvernator i shtetit në 1971. Pesë vjet më vonë ai mundi Presidentin republikan Gerald Ford për t’u bërë komandanti i 39-të i përgjithshëm.
“Ai ka mbështetjen e plotë të familjes dhe ekipit të tij mjekësor. Familja Carter kërkon privatësi gjatë kësaj kohe dhe është mirënjohëse për shqetësimin e treguar nga admiruesit e tij të shumtë“, tha qendra në një deklaratë.
Vitet e fundit, Carter ka vuajtur nga problemet si melanoma që u përhap në mëlçi dhe tru. Gjatë mandatit të tij si President, Jimmy Carter u përball me një sërë sfidash të politikës së jashtme dhe demokrati u mund në ofertën e tij për rizgjedhje nga Ronald Reagan.
Carter gjithashtu luajti një rol qendror në ndërmjetësimin e marrëveshjeve të Camp David që çuan në traktatin historik të paqes Egjipt-Izrael. Por problemet u rritën shpejt për me Carter si President. Në vend, një krizë nafte prodhoi inflacion dhe papunësi të lartë dhe ai u përpoq të bindte amerikanët të pranonin masat e kërkuara shtrënguese.
Atij iu dha Çmimi Nobel për Paqe në vitin 2002 për përpjekjen e tij të palodhur për të gjetur zgjidhje paqësore për konfliktet ndërkombëtare, për të avancuar demokracinë dhe të drejtat e njeriut dhe për të promovuar zhvillimin ekonomik dhe social.
Ai gjithashtu kontriboi edhe në ndërtimin e shtëpive si vullnetar për Habitat for Humanity. Carter dhe gruaja e tij Rosalynn, me të cilën u martua në vitin 1946, kanë katër fëmijë.
/a.r
