Ish ministri i Drejtësisë i LSI Ylli Manjani vijon të këmbëngulë që negociatat për marrëveshjen e “Detit” me Greqinë duhet të drejtohen nga Meta, jo nga Bushati e Rama.
Sipas Manjanit, është vendimi i Kushtetueses që mandaton Presidentin për këtë punë, ndaj ai duhet të vijojë negociatat. Por ish ministri i LSI teksa i referohet deklaratës së kryeministrit grek Tsipras, thotë se marrëveshja e detit paska mbarur ndaj pse kërkohet plotfuqishmëri tek Presidenti.
Postimi i plotë ish ministrit te LSI:
Sipas qeverisë Greke marrëveshja e detit paska mbaruar.
Ne nuk dimë asgjë!
Po pse kërkon plotfuqishmëri qeveria tek Presidenti?! Ajo paska mbaruar punë!!!
Ka mbaruar një punë, një dreq e di se si! Ka mbaruar punë në kundërshtim të plotë me vendimin e Gjykatës Kushtetuese që vetë e kërkoi kur ishte në opozitë!
Gjykata Kushtetuese mandaton Presidentin e Republikës të drejtojë negociatat dhe jo Ministrin e Jashtëm! As Kryeministrin!
Duhet të kishin marrë një mandat nga Presidenti që të negocionin! Kështu thotë Gjykata Kushtetuese. Por nuk e kanë bërë!!!
Presidenti i Republikës është vënë në dijeni vetëm para pak ditësh, fare thatë me një letër që nuk thotë asgjë! Nuk propozon as emrat e negociatorëve madje!!!
Që këta nuk pyesin për Kushtetutë e ligje, kjo u pa! Por pse bëjnë teatër kot!
Ta zbardhin atë marrëveshje, ta kalojnë në qeverinë dhe Kuvendin e tyre mono-partiak, siç kalojnë koncensionet dhe kaq!
Në këto kushte, Presidenti i Republikës nuk duhet të bëhet pjesë e kësaj poshtërsie shtetërore!
Le të thotë çfarë të dojë propaganda e fëlliqur e qeverisë moniste!
Këto janë marrëveshje që duhen denoncuar dhe jo miratuar e ratifikuar!
Mirë është ta dinë edhe Grekët se deri më tani kanë biseduar me autoritete të pa mandatuara! Kanë biseduar me zyrtarë që kanë shkelur Kushtetutën e vendit të tyre!
Ndaj ai produkt e ka vlerën ligjore 0! (TemA)
