Gabriel Batistuta, tashmë në moshën 50-vjeçare, rikthehet të flasë për kohën kur u largua nga futbolli dhe vështirësitë që ai ka kaluar.
Në një intervistë të dhënë së fundmi, ish sulmuesi i Interi dhe Fiorentinës, shprehet se kishte dhimbje të mëdha në këmbët e tij. Dhimbjet ishin aq të mëdha dhe të padurueshme, sa ai ka kërkuar që i presë fare këmbët.
Në intervistën e dhënë për “Corriere della Sera”, Batistuta është shprehur: “Kam kaluar një situatë shumë të vështirë pasi jam tërhequr nga futbolli. Për mua ishte shumë e vështirë të lëvizja, madje edhe një lëvizje të thjeshtë nuk e bëja dot. Kisha të njëjtin problem si Marko Van Basten, i cili e mbylli karrierën e tij në moshën 28-vjeçare.
Kishte ditë kur unë nuk mund të ngrihesha nga shtrati. Qaja nga dhimbjet dhe zemërimi. Unë isha aq keq, sa i kërkova një mikut tim doktor të më priste këmbët. Kjo nuk ishte më një jetë për mua.”, u shpreh argjentinasi.
g.kosovari
