Ish-kryeprokurori i Përgjithshëm Adriatik Llalla është paraqitur për herë të parë pranë Gjykatës së Posaçme, pasi sot pritet që të zhvillohet seanca e mbrojtjes ndaj tij. Ish-kryeprokurori Llalla ka kërkuar disa herë përjashtimin e trupi gjykuese nëpërmjet avokatit të tij, ndërkohë që sot është paraqitur për herë të parë në seancë. Llalla nuk preferoi që të bëjë asnjë koment për mediat në hyrje të gjykatës.
Ndërkohë një detaj që vihet re, teksa ish-kryeprokurori futet brenda ambienteve të gjykatës, roja tek dera e përshëndet në mënyrë simbolike me një gjest ushtarak.
Pak ditë më parë Struktura e Posaçme Anti-Korrupsion (SPAK) kërkoi 2 vite burg për ish-Prokurorin e Përgjithshëm, Adriatik Llalla, ku duke zbritur 1/3 nga gjykimi shkurtuar mbetet 1.4 vite burg. Përveç dënimit me burg, SPAK kërkon po ashtu edhe përjashtimin me 5 vite të Adriatik Llallës nga funksionet publike.
Ai akuzohet për disa veprat penale që përfshijnë “Refuzim për deklarim, mos deklarim, fshehje ose deklarim i pasurive, interesave privat të personave të zgjedhur dhe nënpunësve publik ose i çdo personi tjetër që ka detyrim ligjor për deklarim” në tre raste. Adriatik Llalla u hetua edhe pastrimin për pastrimin e parave, por në finale ai u dërgua për gjykim vetëm për fshehje të pasurisë.
Ish-prokurori Adriatik Llalla mbërrin në Gjykatë
Polici i vendrojës nderon ish-prokurorin Adriatik Llalla
g.koosvari
