Ish-kreu i KQZ, Kristaq Kume foli në Report Tv lidhur me ecurinë e procesit të regjistrimit të diasporës për të qenë zgjedhës në 11 maj. Kume thekson për Nertil Agalliun në ‘Sot Live në Shqipëri’ se interesimi i shqiptarëve është shumë i madh për të votuar.
‘Interesi i shqiptarëve jashtë vazhdon të mbetet dhe të jenë kontributor dhe se sa mirë mund të qeveriset ky vend.’
Lidhur me kërkesën e Berishës që të regjistrohen për të votuar edhe ata emigrantë që nuk kanë asnjë dokument shqiptar, Kume e cilëson si të pavend në këtë fazë ku gjendet procesi.
“E para, e bërë kjo kërkesë kur procesi është në zhvillim e gjej të pavend. E trajtuar si kërkesë mund të diskutohej kohë më parë. Nëse edhe tashti bien dakord mund të bëhen ndryshime si duhet të ndërhyhet në ‘PER’. Ajo që shoh në këtë veprim, është një lloj stepjeje, ngërçi që ka krijuar me entuziasmin që nisi ky proces me dy partitë politike”, tha ai.
Kume shton më tej se mbetet në pikëpyetje nëse vota e diapsorës do të ketë efekte apo jo.
‘Nëse nuk ndodh një gjë e tillë nga KQZ do kemi probleme me realizimin e kësaj mënyre të votuari. Duhen ndryshime në kod dhe nëse nuk bëhen as rregullatori s’ka për të marrë vendim. Për mua është një situatë e cila mbart me vete pikëpyetje a do ketë efekte vota nga jashtë Shqipërisë.’
