Ish Kancelari gjerman Gerhard Schröder ka vizituar Tiranën dhe në një bashkëbisedim në ambientet e Kryeministrisë, tha se Gjermania duhet të vijojë reformat dhe luftën kundër korrupsionit në mënyrë që të arrijë në shtëpinë europiane. Schröder theksoi se Gjermania e sheh Shqipërinë si një vend kyç në Ballkan, një mesazh që për ish kancelarin është dhënë dhe nga vetë Merkel.
“Për Gjermaninë, Shqipëria është një vend kyç në Ballkan. Merkel ka bërë të qartë se Gjermania do të mbështesë Shqipërinë në rrugën drejt BE… Një Shqipëri e qëndrueshme është në interesin e të gjithëve. BE i duhet Shqipëria, ashtu sikur Shqipërisë i duhet BE. Duhet të bëni reformat për integrimin në BE, sidomos në ekonomi dhe drejtësi.
Nga Shqipëria priten rezultate në luftën kundër krimit dhe korrupsionit. E ardhmja e Shqipërisë është e qartë në BE.
Shqipëria është aktor konstruktiv në rajon, përpjekja me Serbinë për të përmirësuar marrdhëniet meritë e Ramës dhe Vucic. Vizita në Beograd është konsideruar në Gjermani si gjest i madh i juaji, ashtu sikur edhe për vizitën e kthimit të Vucic në Tiranë.“tha Schröder.
Schröder ka folur gjithashtu edhe për flukset migratore në Europë dhe vendimin e Britanisë për të dalë nga BE.
“Duhet të ndalemi te shkaqet e flukseve të emigracionit. Integrimi ka pësuar goditje, vendimi për daljen e Britanisë është një nga këto.
Por do të paralajmëroja të bëhet kujdes më dëshirat e tepërta të Britanisë së Madhe, për lëvizjen e lirë nuk duhet të ketë zbutje të kritereve. Në cështjen e ekonomisë parashikoj që Britania do të përballet me rënia, shpresoj që përvoja të shërbejë për vendet e tjera që të mos e ndjekin këtë shembull.
Europa ndahet në tre grupe, Eurozona, shtetet që janë pjesë e BE, por jo Eurozonës dhe shtete si Zvicra dhe Britania që janë të lidhura ngushtë me BE. Në një ditë, edhe Rusia mund të afrohet me BE përmes një marrëveshjes asociimi. Jam i bindur që Shqipëria do të përballet me sukses me sfidat që ka përpara” përfundoi ai./java/.a.k
