Ish-deputetja Lajla Përnaska thotë se nuk është feministë dhe se feminizmin e përkufizon si frymë që grumbullon gratë vajzat për të pasur një kauzë të tyre, objektivat e tyre në lëvizje të caktuara dhe rrethana të caktuara, si dhe për të dominuar në situata të caktuara si kontingjent për të drejtat që ato kanë.
Përnaska ndan bindjen se duke qenë se shoqëria ka pothuajse njëlloj si burra dhe gra, duhet të jetë e përfaqësuar po njëlloj dhe në vendimmarrje.
Në emisionin “Arnautistan” në MCN Tv, ajo tregoi se ka qenë bashkautore e ligjit për kuotën 30% të përfaqësimit grave në politikë.
Përnaska shtoi se deri në vitin 2005, ishte vetëm 7% pjesëmarrja e grave në parlament dhe në vitin 2008 u bë futja e kuotës, për të cilën tha se ka luftuar fort, pasi duhet të hiqeshin ca burra deputet që të krijoheshin këto hapësira.
“Kam besuar në rol pozitiv të femrave në vendimmarrje. Sot kemi 35% gra në parlament dhe 75% në qeveri. Jam skeptike për cilësinë për faktin se jo thjesht performanca e zonjave, por mungesa e grave brenda partive dhe për zgjedhjet parlamentare, e listave të mbyllura ka deformuar përfaqësimin parlamentar se na ka hequr të drejtën që të zgjedhim përfaqësuesit tanë.
Ata të zgjedhur dhe burra dhe gra nuk janë të zgjedhurit tanë, ka deformim përfaqësimi. Zoti Rama duket qartazi që e mbështet pjesëmarrjen e femrave.
Duke munguar gara, kemi kaluar në kryetarokraci, edhe ato gra që futen, futen për ti shërbyer kryetarit. Kur është gara me votë, ka një tjetër qasje dhe kryetari zgjedh ato individ që kanë më shumë shans për të marrë votë.
Se ke gra që kanë 2-3 mandate që zgjidhen pa pasur kokërr vote. Si hipin në majë të listave? Kjo ka deformuar dhe jetën partiake, se vijnë me katapult, vijnë me rrugë okulte, shiten.
Ne e dimë që ka shit-blerje mandatesh. Edhe gra që futen në pazare dhe mbasi mbërthejnë partinë na dalin biznesmenë, pronare, me prona partie, jo prona tapie.
Mendoja se ishin më pak të korruptueshme gratë. Kuota e ka kryer funksionin, por tani duhet hapur gara brenda partive, për përfaqësimin në parlament vetëm vota e drejtpërdretë do e përmirësojë ndjeshëm cilësinë e përfaqësimit.
Është turp i madh ti s’ke asnjë kandidat që e fitojnë votën vetë. Nuk janë të votuar dhe këta në poste kyçe, si mund të jetë përfaqësues i vendit një njeri që se voton askush.
Pesha e politikanit matet me votë, se kanë frikë nga vota e lirë dhe kryetarët kanë frikë nga vota e lirë. Prandaj mbahen listat e mbyllura. Kanë krijuar një super pushtet me kryetarokracinë dhe kanë shkëputur përfaqësimin nga zgjedhësi”, tha Përnaska.
Në vijim shtoi se personalisht i beson shumë më tepër karrierës politike hap pas hapi dhe në mënyrën e saj kamzgjedhur modelin e politikanes së terrenit jo të salloneve, lidhjeve të shkurta dhe oborreve të kryetarit.
“Xhelozohej modeli im i terrenit dhe kontakteve të ngushta, dhanë urdhër më mbyllën zyrën time të zonës se iu përgjigjesha qytetarëve dhe nuk u pranua nga lidershipi i PD-së së kohës.
Ose do jesh shërbëtor i kryetarit për të llogaritur mandatin e radhës, ose do zgjedhësh ti shërbesh qytetarit. Politika nuk të pasuron, ke një rrogë si një nëpunës i shtetit dhe kaq”, shtoi ajo.
Këtu tek ne problemi më i madh është se abuzimi me pushtetin dhe korrupsioni galopant i ka joshur më shumë njerëzit që ti bashkohen politikës. Por nuk është ky qëllimi i politikës.
/s.f
