Ish-deputetja e PD-së Albina Deda ka një tjetër mendim për Kryeprokuroren e re të përkohëshme Arta Marku.
Në një intervistë në Panorama ajo vlerëson maksimalisht integritetin dhe aftësitë profesionale të saj ku shpjegon se ajo është investim dhe përzgjedhje e Shteteve të Bashkuara.
“Një gjë duhet të them me bindje, se kryeprokurorja e re Arta Marku nuk është prurja apo investimi politik i Edi Ramës.
Arta është një investim dhe përzgjedhje e Shteteve të Bashkuara të Amerikës.
Ka kryer shkollime dhe specializime në SHBA në shërbim të formimit të saj profesional dhe duke vlerësuar integritetin e treguar në detyrat që ka mbajtur, edhe është mbështetur nga SHBA në marrjen e kësaj detyre.
Marku ka qenë përzgjedhja e Shteteve të Bashkuara të Amerikës për shkak të formimit dhe integritetit të lartë profesional që ajo ka treguar”.
